頸部訓練

最近幾個星期

訓練緊天晴的頸仔

每日都比佢趴一陣

初初果時有爸爸幫佢就可以抬起頭

做多幾日之後

天晴可以自己抬起少少頭啦

最近可以再抬高D啦

幾叻叻^^

我好勁架~

唔好睇少我呀

LEE個角度影天晴更可愛^^

媽媽錫晒

原來趴住都幾方便食手仔喎^^

天晴的寫真集 (六) 趣緻篇

lee個天晴bb真係好鬼多表情架

個個見親佢都係咁講

仲要好鬼可愛

"唉唷！咪影啦！"

扮惡？？？

無眼睇^^

lee張真係超正！

都唔知天晴諗緊咩

隻手都郁埋

天晴lee排狂增磅呀

"面豬燈"肥左幾多

天晴的寫真集 (五) 掃風篇

每次天晴飲親奶都係搏晒命去飲

所以每次都用盡晒D力

攪到每次掃風果時個樣都

"筋皮力盡"了

好累呀~唔好影我啦

爸爸，唔好咁大力，我死架啦

累到個身都無晒力

爸爸，唔該專心D啦

繼心心有張"化骨棉掌"

天晴有"黯然消雲掌"

HAHA

點解LEE張咁精神？

真係未飲完囉

成副未滿足的樣^^

天晴的寫真集 (四) 扁咀四部曲

天晴每次要奶之前都會扁咀

擺出一副好慘個樣

好似唔比奶佢會死咁慘

所以每次都好心軟

即比奶^^

天晴的寫真集 (三) 笑咪咪篇

天晴成日笑架

不過都只係笑1,2秒

所以好鬼難捕捉

一望到天晴笑

就好想錫佢兩淡

希望快d大d

咁佢可以望到我地

我地就可以同佢玩

睇到多d佢笑的樣啦

^^

天晴的寫真集 (二) 哭叫篇

天晴一開始會先黎個扁咀，個樣勁可憐咁

LEE個時候我已經頂唔順會即時呵佢^^

然後張開口，咪埋眼喊，有眼淚架

仲會手腳狂郁

再喊得勁D呢

係機關槍式喊聲

嘩！超慘架 !!!

而最厲害的喊呢

就係咆哮式啦！

一去到lee種程度

就多數都係半夜

未戒到夜奶的時候發生

隨時會聲沙

最後失埋聲添

希望天晴快d可以戒到夜奶

咪唔洗喊得咁悽涼啦!!!

天晴的寫真集 (一) 睡姿篇

中間最大SIZE的係經典中的經典

因咩事咁煩惱呢？咁細個就咁多野煩，幾時到大呀!!!

天晴的蘭花手都好驕娋架

我自已最喜歡係

佢用手托頭

究竟佢 lee d 咁多的動作

有無代表咩野ge呢

定係隨機ge呢

好想知呀

大個問下阿囡先

去街街 (一)

逢星期六返教會果時

就會黎到lee度等巴士

媽媽負責抱住我

而爸爸就會拎車仔

好幸福^^

又去沙田新城巿行行街

第一次o係露天茶座飲奶

仲同婆婆去food court食野

仲有去公公屋企

見到舅母同雅琳表姐

表姐大我6個月

識得坐同埋叫ma啦

做了一個月的爸媽

我地做左爸媽已經一個月啦

初初最驚同bb沖涼

因為睇過唔少video

d bb都係喊晒、好驚、勁掙扎

幸好天晴係好enjoy沖涼

而天晴bb最唔鍾意係換衫

每次換衫都會有d喊

超無安全感咁

所以要搵d 毛巾放o係佢心口就會好好多

天晴已經有8磅10安士啦

比起出世果時重左2磅7安士呀

初初要用扣針扣住心口位

免得佢冷親

依家唔洗lu

開始d衫比較啱身

每日都要揣摩bb要d咩

除左飲奶換片之外

仲有好多其他事要處理

最經常要處理就係

bb訓訓下教 會突然大聲喊

即係代表要掃風

頭果幾次唔知的情況下

bb成日都嘔奶

仲有大單野：黃疸

bb入過2日院

一個月的不停食不停排便

終於都無事啦

天晴變返白裏透紅的靚bb lu

必經的仲有塊面、頸、心口有奶疹

每次餵完奶都要用暖水抹一次

用凍水的話佢會扭來扭去唔比你抹

最開心係bb的反應啦

佢望多左我地啦

佢手仔會摸多我地

同埋會捉住我地隻手指

我地同佢傾計

佢好似真係聽緊咁^^

lee一個月的日子真係唔易過

期待天晴的第二個月

會有咩事發生呢

Nuffnang 來到香港喇！

Nuffnang 是亞太區龍頭Blog廣告公司
在新加坡、馬來西亞和澳洲等地區已經發展得很成熟，很厲害
最近還來到香港，招募不同的blogger 參與
除了定期的 blogger 活動
還會幫大家招廣告
好像非常方便的樣子！
天晴又可以多一點奶粉錢啦！


Nuffnang 的網頁︰http://www.nuffnang.com.hk/

高官探訪

老公公的前同事黎探天晴

仲送禮物比我添

謝謝各位

晚上訓得太好啦

所以好早醒

個樣仲好精神

好滿足的樣子

天晴的腳指仔

好CUTE

影極都唔厭^^

絕密公開

嘩！天晴沖涼涼呀

今次首度公開天晴出浴照^^

首先洗面洗頭先

跟住就沖涼啦

爸爸同我沖架

幾開心

天晴沖涼果時唔驚又唔喊架

超乖超抵錫

最後就抺身著返衫啦

yeah~沖涼好舒服

I LOVE IT^^

天晴滿月啦^^

由舊年9月知道自己有左到生左天晴

再到今日6月2日天晴終於滿月啦

(出世) (一星期) (一個月)天晴個樣有無變呢？

lee 11個月以黎

發生好多事

人生已經踏入左另一階段啦

亦都升級為"媽媽"啦

新手媽媽同新手爸爸真係唔易做

天晴一日8餐，餵奶，換片，洗衫

仲要keep住睇佢有無嘔奶、掃風

最慘係睇住佢比人打針、然後入院

超可憐的樣子真係好心痛><

嘩！lee個月真係唔易捱

不過天晴一日一日的長大

令我地滿心安慰

非常感恩

今日天晴又要去打針啦

佢真係好痛架

流晒眼淚

唉~打在愛女身，痛在媽媽心呀><

天晴真係大個囡左架

隻手靈活左

幾叻叻^^

希望天晴可以快高長大

每日都快快樂樂!!!